السبت 08/فبراير/2025 – 06:04 ص

تحدث الموزع الموسيقي نادر حمدي، عن تعاونه مع الفنان أحمد سعد، في ألبومه الجديد حبيبنا، معربًا عن حبه الكبير لأغنية مفتفدني التي حققت نجاحًا كبيرًا منذ طرح الألبوم.

وقال نادر حمدي، في لقائه مع القاهرة 24: بحب أغنية مفتقدني جدًا، وأنا اتفاجئت بـ أحمد سعد كالعادة هو كل مرة بيفاجئنا زي ما عمل في أغنية سايرينا يا دنيا، بس دي حركات بتبقى مفيدة في نشر الأغنية وتعلق في ودان الأغنية والحركة كمان.

وتابع: أحمد سلس جدًا في كل حاجة وبيدي العيش لـ خبازه، ولو حاجة هو مش فاهم فيها مبيتدخلش فيها خالص.

نادر حمدي: نفسي أرجع للغناء تاني

وتحدث نادر حمدي، عن إمكانية عودته للغناء مرة أخرى، وذلك بعد تعاونه مع فرقة واما في بداية مشواره الفني، موضحًا أن أغنيته الشهيرة سيبها بظروفها مازالت عالقة في أذهان الجمهور، قائلًا: أنا نفسي أدخل مرحلة الغناء تاني، ولو هعمل حاجة هتبقى ألبوم ولكنه هياخد وقت، أنا بمشي في الشارع الناس بتقولي سيبها بظروفها، والحمد لله الأغنية من 2008 وكسرت الدنيا بالنسبة ليا وأنا بنزل أغاني بمزاجي ومبفكرش بشكل تجاري، ولكن الفترة اللي جاية هفكر بشكل تجاري اللي ينفعني والناس تحب تسمعه.