تحدثت ماس محمد رحيم، ابنة الملحن الراحل محمد رحيم،عن لحظة معرفتها بوفاة والدها وذلك خلال حلولها ضيفة على برنامج “قعدة ستات” مع الإعلامية مروة صبري وقالت: "أنا وبابي كل يوم في ما بينا مكالمات لأن إحنا قريبين أوي وبنشارك بعض كل حاجة، ففي وقت أنا رنيت عليه وملقتهوش موجود روحت بصيت عليه عشان أطمن عليه بس لقيت اللي حصل".

وتابعت متحدثة عن علاقتهما: “أنا على طول عنده، بابي مش بيرد أنا بروح أشوفه وأقعد معاه حتى لو بيشتغل بروح أقعد معاه، أنا لو رنيت عليه 4 مرات ولقيت فيه حاجة بقلق، أنا متعلقة بيه أوي، لما روحت كان موجود قرايبنا وكنت أنا وأختي الصغيرة اللي روحنا، والحمد لله”.