كزبرة: كان حلمي أظهر في مشهد بقى عندي فيلمين وأوعدكم أفلامي الجاية تبقى مختلفة

حرص مطرب المهرجانات الشعبية كزبرة على توجيه رسالة للجمهور بعد نجاحه الكبير في فيلم الحريفة والذي حقق إيرادات ساحقة بجزئيه متصدر شباك التذاكر، مشيرا إلى أن البطل الحقيقي في هذا الفيلم هو الجمهور.

كزبرة: البطل الحقيقي لفيلم الحريفة هو الجمهور 

وكتب كزبرة على حسابه الرسمي بموقع تبادل الصور والفيديوهات انستجرام وفقا لما رصده موقع تحيا مصر: ألف حمد وشكر ليك يارب علي نعمك الكلام ده من قلبي الواحد كان حلمه يظهر في مشهد واحد في فيلم دلوقتي الحمد لله بقي عندي فيلمين في سنة واحدة من اعلي ايرادات السينما المصرية والبطل الحقيقي للفيلم ده مش انا ولا اي حد البطل الحقيقي هو الجمهور هو الي دعم شباب جديدة محدش يعرفهم واديتونا فرصة وخلتونا ننافس علي القمة.

وتابع كزبرة حديثه، قائلا: شكرا ليكم بجد وشكرا لكل الرسايل الي بتجيلي علي الفيلم والله كلامكم ده فوق دماغي واخيرا شكرا لكل حد اشتغل علي الفيلم ده من قلبه واوعدكم طول ماليا اخوات في ضهري بتدعمني اوعدكم افلامي الجاية هتبقي كلها مختلفة وحقيقية واستنوا الجديد ياحلي اخوات.

كزبرة: سنة 2024 كانت سنت كلها خير على كل الناس 

وسبق وذكر كزبرة فضل 2024 عليه، قائلا: ٢٠٢٤ كانت نقطة تحول في حياتي وربنا عوضني فيها وكرمني عن كل السنين اللي فاتت، بس اكتر حاجة حصلتي وربنا كرمني بيها اني زورت الكعبة مرتين وعملت اتنين عمرة وده بالنسبالي اكتر شئ كسبته السنادي، ألف حمد وشكر ليك يارب علي نعمك عليا ويارب اديها لكل مشتاق ويارب في ٢٠٢٥ تبقي سنة كلها خير علي كل الناس وتبقي تحقيق أحلام الجميع.

يذكر، أن كزبرة تألق في العام الماضي بفيلم الحريفة بجزئية، حيث بدأ العام بإطلاق الجزء الاول واختتم نفس العام بالجزء الثاني من العمل وشارك في بطولة نور النبوي، سليم الترك، نور إيهاب، دونا إمام، نورين أبو سعدة، والفيلم من إنتاج طارق الجنايني، ومن المتوقع أن يحقق مزيد من النجاحات خلال فترة عرضه في السينمات المصرية والعربية.

كزبرة في الدراما 

وكان قد خاض كزبرة السباق الدرامي المنقضي من خلال مسلسل كوبرا وذلك إلى جانب كلا من النجوم مجدى كامل، محمود عبدالمغنى، محمود البزاوى، أحمد عبدالحميد، دنيا ماهر، معتز هشام، وعدد من ضيوف الشرف، وتأليف أحمد محمود أبوزيد وإخراج أحمد شفيق.