إيناس الدغيدي.. موجة من الغضب سيطرت على رواد مواقع التواصل الاجتماعي المختلفة، خلال الساعات الماضية، بعد تصريحات المخرجة إيناس الدغيدي، عن تقنين الدعارة والمساكنة.

تصريحات إيناس الدغيدي

تحدثت المخرجة إيناس الدغيدي، عن ترخيص بيوت الدعارة، قائلة: «بيوت الدعارة كانت موجودة في العالم كله وكانت موجودة في مصر قبل الثورة، وترخيص بيوت الدعارة ملهاش علاقة بالدين أنا مقولتش لازم أنا بقول فيها حماية للمجتمع واللي بيشتغل فيها، لما بتقنن أي حاجة أن بتحط له قوانين وأسس، الدعارة مهنة موجودة في العالم كله من زمان أوي ولما بتحصرها وتحددها وتحط فيها قوانين والتزامات وعلاجات وصحة أنت بالعكس بتحميها بدل ما هي متسابه كده».

وأضافت إيناس الدغيدي: «ترخيص بيوت الدعارة بيحد من انتشار مرض الإيدز ومن العنف، لو واحدة بتشتغل كده لحسابها وحد قتلها مش هتعرف لكن لو بتشتغل في مكان هيبقى معروف مين عمل كده، لكن دلوقتي عمارة تلاقي فيها بيت للدعارة».

وتابعت إيناس الدغيدي: «متحجروش علينا التفكير هو اللي يفكر يبقى كافر؟ اللي يناقش يبقى كافر، في علم وتطور وفي حاجات كتير أوي حصلت في الدنيا، لما بتشوف الحاجات اللي بتحصل بتحتار وتقول يارب اللي قولتهولنا كله مش صح».

رأي إيناس الدغيدي في المساكنة

وقالت إيناس الدغيدي خلال حوارها عن المساكنة: «أنا قلت هو حلال لو أنا بعرض عليك وإنت بتوافق والناس بتعرف».

وأكملت: «إحنا الجواز عندنا في الإسلام هو 3 حاجات، عرض وقبول وإشهار، زمان مكانش في ورق، وكانوا يمشوا في الشارع يقولوا فلانة تزوجت فلان ويبقى جواز، وأنا عملتها في فيلم مذكرات مراهقة».

وتابعت: «لو أنا معلنة العلاقة والناس شايفاها وشاهدين على إن أنا وهو مع بعض، وهو عارض وأنا موافقة، يبقى مش زنا».

اقرأ أيضاً
إيناس الدغيدي تتصدر التريند بسبب حديثها عن وفاة سعاد حسني

«صديقات العمر».. يسرا توجه رسالة لـ إلهام شاهين وإيناس الدغيدي

بعد تصريحات إيناس الدغيدي.. سعاد صالح: المساكنة تُعَد زنا «فيديو»