تحدثت الفنانة نهال عنبر عن تفاصيل أجرها في برنامج رامز نيفر إند الذي تم عرضه عام 2023، وذلك من خلال لقاء لها مع نزار الفارس على شاشة تلفزيون قناة الرابعة.

تصريحات نهال عنبر عن أجرها في برنامج رامز نيفر إند

وقالت نهال عنبر في تصريحاتها التي يرصدها موقع تحيا مصر: أجري مع رامز جلال مكنش كبير، لأن أنا مكنتش عارفة فماتفقتش على الرقم اللي المفرض اتفق عليه، أنا قولت لهم بس خلاص الموضوع خلص، مابحبش أوي اتكلم في الفلوس، أنا بعلق بس، قولت لهم لو أعرف هيبقى رقم تاني غير الرقم دا، دا رقم برنامج عادي.

وتابعت: حسام ابني كان معايا، وقالي الرقم بتاع رامز غير كدة خالص، أحنا الأجر اللي خدناه على إنه برنامج عادي، لأن هو فيه مخاطرة، أنا وأنت قاعدين كدة، غير بقى لما تبقى في شقلبظات ويمخمضوني في الغسالة، دا لولا إن أنا رياضية، وأخدت أكثر من 5 آلاف دولار، ومش هقول كم، بيدوا أكتر.

نهال عنبر التدين ملوش علاقة بالحجاب

وفي اللقاء نفسه كشفت نهال عنبر عن رأيها في الحجاب، فقالت: التدين من غير حجاب ينفع، دي بقى ربنا اللي يحاسب، مش أنت، أنا شايفة انه ينفع، وأنا بقى مع شيخ الأزهر كدة زي ما أنا، وهو يعلم إني بصلي وبقرأ قرآن وأذكاري وتسبيحاتي والسنن بعملها.

واضافت نهال عنبر: يعني أنا متدينة، مابأذيش حد ومابضرش بساعد الناس على قد ما أقدر، ممكن يبقى ناقص دي حاجة ربنا اللي هيقولها مش احنا.

أخر أعمال نهال عنبر

ومن الجدير بالذكر أن أخر أعمال نهال عنبر مسلسل بدون سابق إنذار الذي تم عرضه عبر شاشات التلفزيون المختلفة في الموسم الرمضاني الماضي، وكانت تدور أحداثه حيث تتدهور العلاقة بين الزوجين (مروان) و(ليلى) وتصل إلى نفق مسدود بالرغم من محاولتهما لإصلاحها، ولكن تأخذ الأمور منعطفًا صادمًا حينما يكتشفا إصابة ابنهما بسرطان الدم، وتتوالى الأحداث.

وشارك في بطولة المسلسل عدد كبير من النجوم والنجمات، منهم: آسر ياسين، عائشة بن أحمد، أحمد خالد صالح، جهاد حسام الدين، نهال عنبر، ياسر علي ماهر، حنان يوسف، مريم الخشت، وغيرهم، والمسلسل من تأليف عمار صبري، وإخراج هاني خليفة، وقد حقق المسلسل نجاحًا جماهيريًا كبيرًا فور طرحه بسبب أحداثه المثيرة وقوة أداء أبطاله التمثيلية وخصوصا الطفل سليم الذي قام بدور ابن آسر ياسين.