تواصل الممثلة المصرية أروى جودة، توضيح بعض التفاصيل حول مراسم عقد قرانها، وردت على كل من تساءل عن سبب غياب عائلتها وعائلة زوجها عن المناسبة، وكتبت: "دول آخر فيديوهين، تاني من أجل الناس اللي بتعشق الأسئلة الفرعية، زي ليه أهلها مش موجودين معاها وفين أهل العريس؟ إحنا اتعاملنا مع جوازنا في وزارة العدل إنه إجراء قانوني وإننا مش محتاجين معانا غير الشهود (المستشار حسام نجم وأحمد الخواجة) وحضور أختي كان مفاجأة ليا".

وتابعت: "وغير كدة، لأن ميعادنا كان الساعة 8 الصبح، فصعب عليا إني أصحّي والدتي بدري أوي كدة، ووالدي توفّاه الله من سنة ونص".
وردت أروى على كل من عاتبها من المقربين، الذين لم يعرفوا بزواجها إلا من السوشيال ميديا: "لكل اللي زعلوا إننا ما قلنالهمش، والله العظيم إحنا معتبرين أن يوم جوازنا هيكون يوم فرحنا اللي هنحتفل معاكم بيه، وزعلكم غالي جداً علينا... ولولا أن تم تسريب صورنا من مكتب زواج الأجانب، كنا هنحتفظ بالمعلومة لنفسنا".