وقال كهربا خلال تواجده ضيفا عبر برنامج «الكورة مع فايق»: «محدش يعرف أي حاجة عن اللي حصل في الإمارات، كل الحكاية أنا دخلت متعصب بسبب عدم مشاركتي قدام سيراميكا في مباراة نصف النهائي».

وتابع: «بعد المباراة اتكلمت وحش مع كام حد من زمايلي ومحمد رمضان سمعني بقول إيه، وخد قرار بوقفي، قبل ما نرجع فندق الإقامة».

وزاد: «ما قدرتش اتكلم في حاجة وتقبلت القرار، وانفعلت بسبب المدير الفني، وكابتن رمضان قالي هاتترحل وترجع مصر، وبعدها محمد الشناوي خادني وطلعنا الأتوبيس ولما وصلنا الأوتيل عرفت إني هاترحل مصر».

وأكد: «اللاعيبة لما عرفت الخبر بعد وجبة العشاء قعدوا مع محمد رمضان 3 ساعات، وحاولوا يخففوا العقوبة، وقالهم لو كسبنا البطولة، هاشيل نصف العقوبة عنه».

وأوضح: «الغلط الكبير إني اترحلت من الإمارات، وأنا ماغلطتش أصلا»، مضيفًا: «لم اعتذر إلى كولر، بعد عودتي للتدريبات الجماعية، لأن الموضوع كان بعيد عنه».

يمكنك مشاركة الخبر علي صفحات التواصل