نشر في الشروق يوم 07 - 01 - 2025

في تدوينة على صفحته بموقع التواصل الاجتماعي الفايسبوك، أكد القائد الأسبق للمنتخب الوطني كريم حقي أنّ نداء الواجب هو الذي حتّم عليه ودفعه إلى تقديم ترشّحه ضمن قائمة محمود الهمامي لعضوية المكتب الجامعي بمنصب نائب رئيس
تدوينة كريم حقي:
وقت تعيش لحظات كيما بينالتي نيجيريا 2004 وعلم تونس على قلبك، وقت رادس الكل يهتف بإسمك و وقت تحس روحك في لحظة مستعد تخلي كل شي في التيران باش تونس تربح ماتنجمش كيف تشوف كورتنا في الردائة والتعاسة الي وصلتها اليوم ماتلبيش نداء الواجب.
اليوم ومن غير تردد قررت اني ندخل وشارك في رحلة إنقاذ الكورة التونسية، ومانيش عامل حتى مزية على خاطر أنا نتاج الكورة التونسية إلي وصلتني للعالمية من خلال بوابة جمعيتي الأم المستقبل الرياضي بالڤصرين و النجم الرياضي الساحلي جمعيتي الي تكونت فيها من مركز التكوين للأكابر وخاصةً من بوابة المنتخب الوطني التونسي إلي كانلي الشرف تقمص ألوانو الغالية من 2003 ل2013 وكنت أصغر قائد فريق في تاريخو.
حتى حد ماينجم ينكر إنو كورتنا تعيش في أتعس أيامها حيث أنو المنتخب إعاني ونتايجو وترتيبو مايشرفوش تونس، ومانيش باش نحكي على حالة بطولتنا الوطنية، فرقنا، تحكيمنا، ملاعبنا و مراكز التكوين، جيل كامل ماعرفش الملعب بزوز جماهير ...
اليوم المسؤولية تكليف، والظرف صعيب وهذاكا علاش قررت نتقدم أنا ومجموعة من التونسيات والتونسيين في قائمة يترأسها السيد محمود الهمامي و فيها من الكفاءة والخبرة مايكفي لهيكلة كرة القدم في تونس وإنقاذها.
القائمة متاعنا فيها خاصية وهي أنو متواجد فيها إثنين من أبناء المنتخب فخالد بدرى وكريم حڤي أولاد الكورة وخاطر لازم الكورة ترجع لأولادها ومن خلال التدوينة هاذي نتقدم بإسمي وإسم كل أعضاء قايمتنا لكل اللاعبين التونسيين، الناشطين حليا وخاصة القدامى للإلتفاف حولنا ومساعدتنا باش نصلحوا ونطوروا كورتنا.
أقسم بالله العظيم أني لن أدّخر أي جهد لإنقاذ كورتنا التونسية، وإني سأضع خبرتي وعلاقاتي في العالم وفي إفريقيا خاصةً، لخدمة مصلحة الكورة التونسية في كنف النزاهة و الشفافية.
الأخبار

.