فن وتليفزيون

جوري بكر: مش كل أيامنا وردي وإحنا اللي بنعمل اللبس وليس العكس

جوري بكر.. فنانة وإعلامية تألقت بشكلٍ لافت في مسلسل «البرنس»، والذي كان بمثابة «وش السعد عليها»، خصوصًا بعد تلقيها عدة عروض بعده للعمل عليها، وتفتح الفنانة الموهوبة قلبها لموقع «حصري 24»، بعد ظهورها في مقطع فيديو من إحدي الإيفنتات التي حضرتها مؤخرا، وانتشر علي وسائل التواصل الاجتماعي بطريقة سريعة جداً ما أثار الجميع.

وأعربت الفنانة جوري بكر عن اندهاشها الشديد من هذا الفيديو والذي تحدثت فيه عن الحياة المشاهير والفنانين على السوشيال ميديا، مضيفة أنها حينما تحدثت في هذا الموضوع فإن التعبير لم يخونها مطلقا في أي مما قالته.

وتابعت: «كل اللي قولته إن حياة المشاهير والناس اللي بتشفوهم علي الإنستجرام فعلا حياة مش حقيقة، واللبس والحجات اللي أنتم بتشوفوها دي كلها مجرد جزء من شغل إحنا بنشتغله وبنعمله دعايا، فماينفعش أقارن نفسي بحد في الجزء الحلو وأسيب الجزء الوحش بتاعه».

جوري بكر: «مش كل أيامنا وردي زي ما كل الناس متخيلة»

اقرأ أيضا: من نجار إلى فنان تشكيلي.. كيف تحولت محنة حسام إلى منحة بعد بتر أصابعه؟

جوري بكر
جوري بكر

وأكدت الفنانة جوري أن الفنانين أناس طبيعيون جداً يمرون بفتراتٍ صعبة مثل أي شخص، مضيفة: «مش كل أيامنا وردي زي ما كل الناس متخيلة، واللي ما نكونش على طبيعتنا وفعلا الفترة الأخيرة نفسيات الناس مش حلوة، ولحد دلوقت برضو مش كويسة، في ناس كتير فاكرة إن دي حياتنا الحقيقية، ودي فعلا مش حياتنا الحقيقية والله».

وأضافت: «أنا قولت عشان يبقي شكلك حلو من بره مش لازم تلبسي براندات من فوق لتحت وأنتِ نفسيتك من جوا مش كويسة وده عمره مهيبان على وشك، وهيبان إنك مش كويسة في الحقيقة».

جوري بكر
جوري بكر

وقالت جوري: «لا اللبس عمره بيعملنا ولكن إحنا اللي بنعمل اللبس، وتحدثت أيضا عن موضوع الفلاتر وكنت بستخدم فلاتر كتير، ومن قريب ابتديت أبطل فلاتر وإيديت لصوري، لكن بعمل تاتشات بسيطة، ما كانش قصدي أي حاجة نهائي وبلبس زيي زي أي حد من أي محل من المحلات، فإحنا مش عايشين حياة هلامية فوق في السماء والناس تحت».

واختتمت تصريحاتها قائلة: «أنا كنت أتمنى إن الزمن يرجع بيا 10 سنين لورا وأبقى إنسانة طبيعية مش مشهورة ولا معروفة، وإحنا مضغوطين جامد في الشغل، وده إننا لازم نكون تحت ضغط دائماً ولابسين كويس عشان ده شغلنا وأكل عيشنا».

اقرأ أيضا: فريدة علي لـ«حصري 24»: أتمنى تحقيق بطولة السلة للمنتخب

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى